Алматы қаласы Наурызбай ауданының әкімі Тоғызбаева Назира Асылбекқызы Алматы №1 қалалық клиникалық ауруханасының қызметкерлері – Пациенттерді қолдау және ішкі аудит қызметінің жетекшісі Ибраева Сәуле Рахимгалиевна және көпбейінді хирургия бөлімінің аға медбикесі Ондыбаева Алтынгүл Алимбековнаға алғыс хат табыстады.
Алғыс хатта:
«Сізге 2024 жылы 6 қазанда елімізде өткен республикалық референдумды дайындау мен өткізуге қосқан үлесіңіз бен әрдайым ауданның әлеуметтік-қоғамдық дамуы мен татулығын нығайту жолында қосқан зор үлесіңіз үшін алғыс білдіремін.
Сіз бүкіл халықтық мүддені табысты жүзеге асыруға және жаңа Қазақстанды құруға зор үлес қостыңыз. Сізге және отбасыңызға зор денсаулық, бақ-дәулет, қажымас қайрат тілеймін!» – делінген.
Әріптестерімізді құттықтай отырып, оларға кәсіби жетістік, отбасылық амандық және мықты денсаулық тілейміз!
