АИТВ инфекциясы туралы хабардарлықты арттыру және көрсетілетін медициналық көмектің сапасын жақсарту мақсатында дәрігерлер мен орта медицина қызметкерлеріне арналған оқыту семинары өтті.
Дәрісті инфекциялық бақылау бөлімінің жетекшісі З.Еламанова, алдын алу жұмыстары бөлімінің меңгерушісі А. Жандыбаева және ЖИТС-тің алдын алу және оған қарсы күрес орталығының инфекционист-дәрігері А.Құрманғазиева өткізді.
Семинардың негізгі тақырыптары:
✔ АИТВ инфекциясы: клиникалық көрінісі, диагностикасы және алдын алу шаралары. Спикерлер қазіргі диагностика әдістерін, емдеудің негізгі кезеңдерін және инфекцияның таралуын болдырмау стратегияларын жан-жақты түсіндірді.
✔ АИТВ-мен өмір сүретін адамдарға (АӨА) қатысты стигма мен кемсітушілік. Науқастармен жұмыс істеудің этикалық аспектілерін, АИТВ туралы мифтерді түсіндіруге және бұл аурумен өмір сүретін адамдарға толерантты көзқарастың маңыздылығына ерекше назар аударылды.