Бүгін № 1 қалалық клиникалық ауруханада аса қауіпті инфекция – тырысқақ күдігімен түскен науқасқа медициналық көмек көрсету алгоритмін пысықтауға арналған оқу іс-шаралары өтті. Оқу жағдайы персоналдың шынайы сын-қатерге дайындығын тексерді.
Оқу барысында:
– «симулянт» науқастың №1 ҚКА қабылдау бөліміне жүгінуі жүргізілді;
– ҚР ДСМ 2021 жылғы 17 қарашадағы №ДСМ-116 бұйрығына (2025 жылғы 5 мамырдағы өзгерістерімен) сәйкес санитариялық-індетке қарсы іс-шаралар алгоритмі іске қосылды;
– медико-эпидемиологиялық қызмет жұмылдырылып, оқшаулау қамтамасыз етілді, зертханалық сынамалар алынды және уәкілетті органдарға жедел хабарландыру жасалды;
– науқасты анықтау, қабылдау, оқшаулау және жұқпалы стационарға тасымалдау әрекеттері нақты орындалды;
– 2023 жылғы 17 наурыздағы №40 бұйрықпен бекітілген инфекциялық аурулар кезінде медициналық көмек ұйымдастыру стандарты қолданылды.
Сонымен қатар шұғыл регидратация, электролиттік жоғалтуларды қалпына келтіру және көмек көрсету кезіндегі жеке қорғану құралдарын дұрыс пайдалану кезеңдері – тырысқаққа қатысты халықаралық клиникалық ұсынымдарына (WHO) толық сәйкес пысықталды.
Барлық кезең аурухананың жауапты қызметтерінің басшылығымен өтті.
