Аллергия – иммундық жүйенің көпшілік адамдар үшін зиянсыз заттарға шамадан тыс реакциясы. Мұндай заттар аллергендер деп аталады. Оларға өсімдік тозаңы, үй шаңы мен кенелер, жануар жүні, тағам өнімдері, дәрілік препараттар және қоршаған орта факторлары жатады.
Аллергияның негізгі белгілері:
▪️ түшкіру, мұрын бітелуі, тұмау, жөтел, ентігу
▪️ көздің қышынуы, қызаруы, жас ағу
▪️ тері бөртпесі, қызару, қышыну, есекжем, ісіну
▪️ әлсіздік, тез шаршау
Аллергия маусымдық немесе жыл бойы мазалауы мүмкін.
Белгілер байқалса не істеу керек?
Белгілер қайталанса немесе ұзақ уақыт сақталса, дәрігерге қаралу маңызды. Өзін-өзі емдеу жағдайды ушықтырып, аурудың жасырын өтуіне әкелуі мүмкін.
Аллергия қалай емделеді?
Емдеу жеке таңдалады және мыналарды қамтуы мүмкін: ▪️ аллергенмен байланысты шектеу
▪️ антигистаминдік препараттар
▪️ жергілікті ем (мұрын мен көзге арналған тамшылар, теріге арналған кремдер мен майлар)
▪️ АСИТ – ағзаның аллергенге сезімталдығын төмендетуге бағытталған ем әдісі.
Дәрігердің тұрақты бақылауы аллергияны бақылауға және өмір сапасын жақсартуға көмектеседі.
№1 қалалық клиникалық аурухананың аллергология бөлімшесі
