Рамазан кезінде дұрыс әрі теңгерімді тамақтану денсаулық үшін маңызды. Ағзаның сұйықтыққа деген қажеттігін қамтамасыз ету үшін күніне 2-2,5 литр су ішу ұсынылады. Бұл, әсіресе, артық салмағы бар және қанындағы қант деңгейі жоғары адамдар үшін аса маңызды. Оларға минералды су ішу ұсынылады, себебі ол ағзадағы сұйықтық балансын қалпына келтіруге көмектеседі.
Ауыз бекіту келесі ауруы бар адамдарға ұсынылмайды:
– қант диабеті
– созылмалы бүйрек жеткіліксіздігі
– гипертониялық ауру
– жүрек ауруы, әсіресе үнемі дәрі қабылдау кезінде
– созылмалы ауруы асқынған кезде.
Сонымен қатар жүкті әйелдерге, емізулі аналарға және кез келген аурудың жіті сатысында жүрген адамдарға ораза ұстау ұсынылмайды.
Рамазан айында тамақтану бойынша ұсыныстар
Ауызашар кезінде келесі тағамға басымдық берген жөн:
– сорпа
– көкөніс пен салаттар
– қайнатылған және пеште пісірілген тағам
Оразаның денсаулыққа пайдасы бар ма?
Дәрігерлер оразаның денсаулыққа пайдалы екенін растайды. 30 күндік ораза ағзадағы жасушалардың жаңаруын тездетеді, соның ішінде тері жасушаларының жаңаруы да жеделдейді, бұл оны сау әрі серпімді етеді.
Ораза:
– қан қысымын төмендетуге
– холестерин мен триглицерид деңгейін азайтуға
– жүрек саулығын жақсартуға
– стресс деңгейін төмендетіп, психологиялық жағдайды жақсартуға көмектеседі.
Ораза – рухани ғана емес, физиологиялық тұрғыдан да пайдалы, ол денсаулықты нығайтып, жалпы жағдайды жақсартуға ықпал етеді.