Ракова Таива Дарвиновна
АРҚТБ меңгерушісі, жоғары санатты дәрігер
№1 ҚКА анестезиология, реанимация және қарқынды терапия бөлімшесі 14 төсек-орынға есептелген.
АРҚТБ Қазақстан Республикасы Денсаулық сақтау министрінің 2023 жылғы 26 сәуірдегі №78 «Қазақстан Республикасында анестезиологиялық және реаниматологиялық көмекті ұйымдастыру стандарты туралы» бұйрығына сәйкес жұмыс істейді.
Бөлімше 3 қарқынды терапия палатасы мен оқшаулағыштан тұрады.
№1 ҚКА АРҚТБ тәулік бойы пульмонологиялық, терапевтік, неврологиялық бағыттағы пациенттерге шұғыл мамандандырылған көмек көрсетеді, сондай-ақ хирургиялық бейіндегі пациенттерге анестезиологиялық көмек, КТ, МРТ, эндоскопиялық процедуралар кезінде седация жүргізеді.
АРҚТБ-ға қабылдау бөлімінен, аурухананың барлық құрылымдық бөлімшесінен ауыр және аса ауыр халдегі пациенттер жатқызылады. Бұл пациенттер өмірлік маңызды функциялардың жедел бұзылысын диагностикалауды, реанимациялық іс-шаралар мен қарқынды терапия жүргізуді қажет етеді.
Бөлімше әлемдік жетекші өндірушілердің жоғары технологиялық заманауи аппаратурасымен жабдықталған, бұл пациенттердің ота, анестезия және отадан кейінгі ерте кезеңде қауіпсіздігін қамтамасыз етеді.
№1 ҚКА көпбейінді хирургия, гинекология және торакалдық хирургия орталығының пациенттеріне қажетті барлық анестезиологиялық көмек түрі көрсетіледі.
Сонымен қатар ауруханада амбулаториялық анестезия қызметі ұйымдастырылған. Ол бір күндік хирургия және гинекология бөлімдерінде (эндоскопиялық процедуралар, ЭФГДС, колоноскопия және т.б.) жүргізіледі. Процедуралар ТТА немесе седация арқылы орындалып, пациенттерге қолайлы жағдай жасалады.
Ауыр жағдайдағы пациенттерге кеңес беру көмегі көрсетіледі, емдеу тактикасы анықталады. Қарқынды терапия клиникалық хаттамалар мен шұғыл жағдайда медициналық көмек көрсету стандарттарына қатаң сәйкестікте жүргізіледі. Клиникалық күрделі пациенттерді талдау үшін кафедра мамандарының қатысуымен консилиумдар өткізіледі.
№1 ҚКА-да ҚазҰМУ-дың №1 анестезиология және реаниматология кафедрасы орналасқан.
АРҚТБ мамандары көпжылдық жұмыс тәжірибесіне ие және заманауи аппараттар мен дәрілік препараттарды қолдану дағдыларын меңгерген.