
Бүгін біздің аурухана ұжымы жоғары санатты кардиолог, өз ісінің нағыз маманы – Нургалиева Лайля Балтабековнаны зейнетке шығарып салды.
Лайля Балтабековна медицина саласында 30 жылдан астам уақыт еңбек етіп, мыңдаған науқастың саулығына араша түсті. Ол – жоғары кәсібилігімен, өз ісіне деген жауапкершілігімен ерекшеленетін дәрігер.
Көп жылдар бойы №1 қалалық клиникалық ауруханада қызмет атқарып, өзінің біліктілігі мен тәжірибесінің арқасында науқастарға сапалы медициналық көмек көрсетті. Әріптестері арасында ерекше беделге ие болып, өзіне жүктелген міндеттерді әрдайым адал әрі сапалы атқарды. Ұжымдастары оны мейірімділігі, қарапайымдылығы және жоғары адамгершілік қасиеттері үшін ерекше құрметтейді.
Құрметті Лайля Балтабековна, Сізге ұзақ жылғы адал еңбегіңіз үшін алғыс айтамыз! Зейнет жасыңыз құтты болсын! Денсаулық, ұзақ ғұмыр, отбасылық бақыт және жарқын күндер тілейміз!
Құрметпен,
№1 қалалық клиникалық ауруханасының ұжымы.