21-24 наурыз аралығында Мадридте Еуропалық урологтар қауымдастығының (EAU) 40 жылдық мерейтойлық конференциясы өтті. Бұл урология саласындағы ең ірі іс-шаралардың бірі. Оған №1 ҚКА урологы Апатанов Мухтар Кахарович – жоғары санатты дәрігер, медицина ғылымдарының кандидаты, EAU мүшесі қатысты.
Конференция аясында әлемнің түкпір-түкпірінен келген мыңдаған маман келесі маңызды тақырыптарды талқылады:
– Диагностика мен емдеудің жаңа әдістері
– Заманауи клиникалық тәсілдер
– Инновациялар және пәнаралық ынтымақтастық
– Урология саласындағы жетекші мамандар арасындағы тәжірибе алмасу
Конференцияда роботтандырылған хирургия, шағын инвазивті әдістер және жекелендірілген емдеу тәсілдері басты назарда болды. Сондай-ақ жетекші әлемдік сарапшылардың симпозиумдары, шеберлік сыныптары және дәрістері ұйымдастырылды.
Бұл №1 ҚКА пациенттері үшін
✅ Диагностика мен емдеудің заманауи технологияларына қолжетімдік
✅ Дәрігерлердің халықаралық деңгейде біліктілігін арттыру
✅ Озық әдістерді енгізу арқылы медициналық көмектің сапасын жақсарту
мүмкіндігін береді.
№1 ҚКА дәрігерлерінің осындай маңызды іс-шараларға қатысып, әлемдік тәжірибені меңгеруі – отандық медицинаның дамуына қосқан үлесі.
