Алматы қаласының штаттан тыс бас пульмонологы Касенова Сауле Лаиковна №1 ҚКА-да идиопатиялық өкпе фиброзы бойынша конференция өткізді.
Іс-шара барысында идиопатиялық өкпе фиброзын (ИӨФ) диагностикалау мен емдеудің заманауи әдістері талқыланды. Бұл – өкпе тінінің тыртықтанып (фиброздануы) созылмалы зақымдануымен жүретін ауру. Соның салдарынан өкпе өзінің қалыпты жұмысын атқара алмай, тыныс алу барған сайын қиындай түседі.
Қауіп тобында кімдер бар?
✔ 50 жастан асқан адамдар
✔ Ауру әйелдерге қарағанда, ер адамдарда жиірек кездеседі
✔ Прогрессиясы әр түрлі: кейбір науқастарда тез дамиды, ал енді біреулерде баяу жүреді, сонда да ауру кез келген жағдайда өкпе қызметінің төмендеуіне әкеледі
Неліктен ерте диагностика маңызды?
ИӨФ белгілері басқа өкпе ауруларына ұқсас болғандықтан, оны көбіне кеш кезеңде анықтайды, бұл емнің тиімділігін төмендетеді. Ауру неғұрлым ерте анықталса, оның дамуын баяулатып, науқастың өмір сапасын жақсарту мүмкіндігі соғұрлым жоғары болады!
Конференция аясында күрделі клиникалық жағдайлар қарастырылып, №1 ҚКА-да қолданылатын жаңа технологиялар таныстырылды.
