ЕЛАМАНОВА ЗУЛЬФИЯ АСКАРОВНА
Инфекциялық бақылау бөлімшесінің меңгерушісі, жоғары санатты дәрігер эпидемиолог, қоғамдық денсаулық сақтау магистрі
Инфекциялық бақылау – стационарлық инфекциялардың пайда болуы мен таралуын болдырмайтын және пациенттердің, медицина қызметкерлері мен келушілердің қауіпсіздігін қамтамасыз етуде маңызды рөл атқаратын шаралар кешені. Бұл эпидемиялық жағдайды бақылау деректерін ескере отырып жүргізілетін профилактикалық және эпидемияға қарсы шараларды қамтиды.
Инфекциялық бақылау бағдарламасының негізгі мақсаты – инфекцияның берілуін болдырмау және тоқтату. Инфекцияның таралуын болдырмау үшін микроорганизмге байланысты арнайы сақтық шаралары қажет.
Инфекциялық қауіпсіздікті бақылаудың мақсаты пациенттер, медицина қызметкерлері және ауруханаға келушілер арасында инфекциялық жұқтыру қаупін болдырмауға және азайтуға бағытталған.
Инфекциялық бақылау санитарлық-гигиеналық нормаларды сақтауға, қауіпсіздікті қамтамасыз етуге және инфекция таралуынан қорғауға бағытталған шаралар кешенін қамтиды.
Міндеттері:
– Инфекциялық бақылау хаттамалары мен стандарттарының сақталуын қамтамасыз ету
– Стационарлық инфекциялардың (мысалы, ауа, қан немесе байланыс арқылы берілетін инфекциялар) алдын алу бойынша шараларды жүргізу
– Жұқпалы аурумен ауыратын науқастарды оқшаулауды бақылау
– Инфекция қауіпсіздігі, қол гигиенасы, жеке қорғаныс құралдарын (ЖҚҚ) пайдалану, сондай-ақ зарарсыздандыру әдістері бойынша тұрақты оқыту сабақтарын өткізу
– Жұқпалы қалдықмен жұмыс істеудің дұрыс әдістерін үйрету
– Персоналды инфекциялық бақылау саласындағы білімін үздіксіз жетілдіруге тарту
– Қол гигиенасын бақылау және ЖҚҚ дұрыс пайдалану
– Медициналық жабдық, аспап және материалды зарарсыздандыру талаптарының сақталуын бақылау
– Антибиотикті қолдануды бақылау. Антибиотикті ұтымды қолдану стандарттарын әзірлеу және енгізу
– Бір рет қолданылатын шығын материалын пайдалануды бақылау
– Хирургиялық араласудан кейін инфекциялық асқынудың алдын алу шараларын әзірлеу және жүзеге асыру
– Жұқпалы ауруы бар науқастарды оқшаулау стандарттарын әзірлеу және қолдау
– Медициналық мекемедегі эпидемиологиялық жағдайды талдау
– Жүргізілген инфекциялық бақылау шаралары мен стандарттарының тиімділігін бағалау
– Заманауи талаптарды ескере отырып, инфекциялық бақылаудың жаңа тәсілдері мен стратегияларын әзірлеу.
Инфекциялық бақылау бөлімшесі медициналық процестің барлық қатысушысы үшін қауіпсіздіктің жоғары стандарттарын қамтамасыз етуге ұмтылады. Бұл – біздің жұмысымыздың басымдығы.