Сейданова Амина Багдадовна
Бөлімше меңгерушісі - жоғары санатты дәрігер-невролог және дәрігер-реабилитолог. Мамандығы бойынша еңбек өтілі - 25 жыл. Израиль, Литва, Ресей, Оңтүстік Корея клиникаларында білім алған. 2017 жылы «Жылдың үздік дәрігері» республикалық байқауының жеңімпазы атанған. 10 жылдан бері Алматы қаласы Қоғамдық денсаулық сақтау басқармасының штаттан тыс бас реабилитологы.
Нейрореабилитация бөлімшесі
№1 қалалық клиникалық аурухананың нейрореабилитация бөлімшесі 25 төсек-орынға есептелген. Мұнда 116-бұйрықтың 12-қосымшасына сәйкес, МӘМС аясында ГБ порталы арқылы 2-кезеңдегі (ауру басталғаннан кейінгі алғашқы 6 ай ішінде) пациенттер оңалтудан өтеді.
Әрбір пациентке жатқызылған сәттен бастап мультидисциплинарлық команда тарапынан жеке тәсіл қолданылады. Команда құрамына реабилитолог-дәрігер, невролог, ЕДТ нұсқаушысы, психолог, логопед, массажист, эрготерапевт және өзге де мамандар кіреді. Пациентпен бірлесе отырып, оңалтудың мақсаты, оны іске асыру мерзімі мен әдістері айқындалады.
Пациенттің физикалық жай-күйі мен моральдық-психологиялық ресурсын қалпына келтіруге бағытталған жеке оңалту бағдарламасы әзірленеді. Емдік дене шынықтыру – оңалту процесінің негізгі бағыты, ол кинезотерапия залында жеке сессия бойынша жүргізіледі. Сонымен қатар белсенді және енжар механотерапия әдістері (механоқұрылғылар, жүруді еліктеуші құрылғылар, оксицикл, велотренажер, Мотокросс артромот), роботтандырылған технология (Локостейшн), биологиялық кері байланыс терапиясы (Hand Tutor, Айас) қолданылады.
Пациенттер физиотерапиядан, психотерапиядан (сенсорлық бөлме, релаксациялық сеанстар, арт-терапия, тактильді терапия) өтеді. Логопед пен эрготерапевтің қатысуымен когнитивті функцияны, қолдың ұсақ моторикасын, сөйлеу дағдысын дамытуға және пациенттің қоғамға бейімделуіне бағытталған жұмыс жүргізіледі.
Бөлімше дәрігерлері:
Құлымжанова Жансая Тұрланқызы – реабилитолог-дәрігер, еңбек өтілі – 1 жыл. 2023 жылы С.Ж. Асфендияров атындағы ҚазҰМУ резидентурасын «Физикалық медицина және оңалту» мамандығы бойынша аяқтаған. 2024 жылы Оңтүстік Кореяның Тэгу қаласындағы Кёнбук ұлттық университетінің Чхильгок ауруханасында 1 айлық тағылымдамадан өтті.
Алимбаева Қымбат Имашқызы – реабилитолог-дәрігер, еңбек өтілі – 1 жыл. 2023 жылы С.Ж. Асфендияров атындағы ҚазҰМУ «Физикалық медицина және оңалту» мамандығы бойынша тәмамдаған.
Демесинова Баян Косболовна – бірінші санатты невролог-дәрігер, еңбек өтілі х- 13 жыл.
Бөлімше аға медбикесі – жоғары санатты медбике Мукатова Шолпан Испархановна. Еңбек өтілі – 25 жыл.
Емдік дене шынықтыру (ЕДТ) нұсқаушылары:
Мұхамеджанов Нұрдәулет Қанатұлы – еңбек өтілі – 6 жыл. 2022 жылы Оңтүстік Кореяның Тэгу қаласындағы Кёнбук ұлттық университетінің Чхильгок ауруханасында тағылымдамадан өтті.
Мұрат Дәулеткелдіұлы – еңбек өтілі – 3 жыл. 2022 жылы Оңтүстік Кореяның Тэгу қаласындағы Кёнбук ұлттық университетінің Чхильгок ауруханасында тағылымдамадан өтті.
Аштархан Шерхан Асылханұлы – еңбек өтілі – 3 жыл.
Эрготерапевт – Нугманова Аклима Жумагалиевна, эрготерапиядағы еңбек өтілі – 4 жыл, жалпы медициналық өтілі – 30 жыл. 2021 жылы Санкт-Петербург медициналық-әлеуметтік институтында эрготерапия бойынша алғашқы мамандандырудан өткен.
Нейропсихолог – Анваров Акежан Ходжа-Аббасович, еңбек өтілі – 2 жыл.
Логопед – Мұхамеджанов Нұрдәулет Қанатұлы, еңбек өтілі – 6 жыл.