2025 жылғы қазанның 31-інде №1 қалалық клиникалық аурухана базасында «СОӨА-ны емдеудегі дәрілік терапия. Ингаляциялық және базистік ем» тақырыбында ғылыми-практикалық конференция өтті.
Конференция лекторы –
№2 пульмонология бөлімшесінің меңгерушісі Шидерова Наиля Даулетовна.
Іс-шараға пульмонолог, терапевт, қабылдау бөлімінің дәрігерлері және резиденттер қатысты.
Конференция барысында созылмалы обструктивті өкпе ауруын емдеудің қазіргі тәсілдері, соның ішінде ингаляциялық және базистік терапия мәселелері талқыланды.
Ерекше назар GOLD нұсқаулығының жаңартылған ұсынымдарына аударылды. Атап айтқанда:
СОӨА асқынуы – ентігудің және/немесе жөтелдің күшеюімен, қақырық көлемінің артуымен сипатталатын және 14 күннен аспайтын кезең ретінде анықталады;
СОӨА жіктемесі өзгерді: бұрынғы A, B, C, D топтарының орнына A, B, E топтары енгізілді. Терапияны таңдау енді негізінен асқыну жиілігіне байланысты айқындалады, ал симптом ауырлығы қосымша өлшем ретінде қаралады.
Сондай-ақ, конференцияда Брезтри Аэросфера (БУД/ГЛИ/ФОРМ) препаратының тұрақты үштік комбинациясын қолдану арқылы СОӨА-ның демеуші терапиясындағы тиімдігін көрсеткен клиникалық жағдай ұсынылды.
Конференция кәсіби әрі мазмұнды өтіп, қатысушылар тәжірибе алмасып, СОӨА-мен ауыратын науқастарды жүргізудің өзекті мәселелерін талқылауға мүмкіндік алды.