Тамақтандыру блогы

Жарылқасынова Жанар Әуезханқызы

Тамақтандыру бөлімінің жұмысын - диеталық медбике, бөлім меңгерушісі м.а. басқарады.

Аурухана тағамханасы: әр тамақтану кезінде сіздің денсаулығыңызға жасалған қамқорлық

Біздің ауруханада пациенттердің тамақтануына ерекше назар аударылады. Тағамхана заманауи жабдықпен қамтылған және барлық санитарлық талапқа сай келеді. Біз медициналық көрсеткіштер мен әрбір пациенттің жеке қажеттігін ескере отырып әзірленген теңгерімді, дәмді және пайдалы тамақ ұсынамыз.

Біздің тамақтандыру қағидаттарымыз:
✔ Сапа мен қауіпсіздік – тек балғын және сертификатталған өнімді пайдалану
✔ Теңгерімдік – калория, ақуыз, май және көмірсу мөлшерінің талаптарға сай келуі
✔ Диеталық түрлілік – тағам түрлі санаттағы пациенттерге бейімделген
✔ Мамандардың бақылауы – мәзір дәрігер-диетологтармен әзірленеді.

Біз сауығу процесін барынша жайлы етуге және пациенттердің күш-қуатын дәмді әрі пайдалы тамақ арқылы қолдауға тырысамыз!

Кәсіби ұжым

Біздің ұжым – күн сайын пациенттердің сапалы және теңгерімді тамақтануын қамтамасыз ететін тәжірибелі мамандар командасы.

Тамақтандыру бөлімінде жоғары санатты аспаздар жұмыс істейді, олардың кәсіби білімі мен дағдысы тағамды тек пайдалы ғана емес, сонымен қатар дәмді етіп әзірлеуге мүмкіндік береді. Жұмыс екі аусымда ұйымдастырылған, бұл тамақтандырудың үздіксіз болуын және әрбір ас мәзірінің балғындығын қамтамасыз етеді.

Біз санитарлық нормалардың сақталуына, қоректік заттардың теңгеріміне және пациенттердің жеке қажеттігіне ерекше назар аударамыз, оларға сауығуға қолайлы жағдай жасаймыз.

Ауруханадағы емдік тамақтану

Аурухана пациенттердің сауығуына бағытталған теңгерімді емдік тамақтануды ұйымдастырады. Мәзір медициналық көрсеткіштер мен дәрігер-диетологтардың ұсынысы негізінде жасалады.

Тамақтандыру бөліміндегі емдік үстелдер:

№0 (нөлдік) үстел – отадан кейінгі кезеңде және ауыр жағдайда тағайындалады. Оңай сіңірілетін, сұйық және жартылай сұйық тағамды қамтиды: майсыз сорпа, кисель, сұйық ботқа, компот. Қатты тамақ, қышқылдығы және майлылығы жоғары өнім алынып тасталады.

№1 үстел – асқазан және он екі елі ішек ауруларында (гастрит, асқазан жарасы) қолданылады. Асқазанға жұмсақ әсер ететін тағамды қамтиды, ащы, қышқыл және қуырылған тағам алып тасталынады.

№5п үстел – панкреатит кезіндегі диета. Ұйқы безіне жүктемені азайтады, майлы, қуырылған және шырышты қабықты тітіркендіретін өнім болмайды.

№9 үстел – қант диабеті кезіндегі диета. Қандағы қант деңгейін реттейді, жылдам көмірсуларды қоспайды, қоректік заттардың тепе-теңдігін сақтауға көмектеседі.

№10 үстел – жүрек-қантамыр жүйесі аурулары кезіндегі диета. Тұзды, майларды шектейді, қан айналымын жақсартады және жүрекке жүктемені азайтады.

№15 үстел – жалпы. Қатаң емдік тамақтануды қажет етпейтін пациенттерге жарамды, толыққанды рационды қамтиды.

Біз әр пациентке қамқорлық жасап, жайлы сауығу жағдайын қамтамасыз етеміз!

Тамақтандыру блогы