№1 қалалық клиникалық ауруханада фронто-темпоралды деменцияны диагностикалау мен зерттеудегі заманауи тәсілдерге арналған ғылыми-білім беру дәрісі өтті.
Кездесудің спикері – Кутлубаев Мансур Амирович, медицина ғылымдарының докторы, неврология кафедрасының меңгерушісі, Башқұртстан Республикасының бас штаттан тыс неврологы, Башқұртстан Республикасының еңбек сіңірген дәрігері, неврология және нейродегенеративті аурулар саласындағы танымал сарапшы.
Дәріс барысында фронто-темпоралды деменцияны ерте диагностикалаудың өзекті мәселелері, аурудың клиникалық көріністерінің ерекшеліктері, дифференциалды диагностикадағы күрделі тұстар, сондай-ақ нейродегенеративті үдерістерді анықтаудағы нейровизуализация мен биомаркерлерді қолданудың заманауи мүмкіндіктері кеңінен талқыланды.
Іс-шара тәжірибелі дәрігерлерді, бейінді мамандар мен академиялық қауымдастық өкілдерін біріктіріп, кәсіби тәжірибе алмасуға және неврология саласындағы озық тәсілдерді талқылауға мүмкіндік берді.
Осындай ғылыми кездесулер кәсіби байланысты нығайтып, клиникалық тәжірибені жетілдіруге және халықаралық медицинаның үздік тәжірибелерін денсаулық сақтау жүйесіне енгізуге жол ашады.
№1 ҚКА ғылыми ынтымақтастықты дамытуға және медицина қызметкерлерінің үздіксіз кәсіби дамуына қолдау көрсетуді жалғастырады.
