Құрметті біздің оқырмаңдар!

Бүгінгі «Бөлімшелермен танысу» айдарының келесі санында бюджеттік аллергология бөлімі туралы айтатын боламыз.

🔺Алматы қаласының денсаулық сақтау саласында қайта құруға байланысты №7 Қалалық клиникалық ауруханадан аллергологиялық бөлімше 1998 жылы №1 Қалалық клиникалық ауруханаға ауыстырылды.

🔺Аллергология бөлімі Алматы қаласындағы аллергиялық аурулары бар науқастарға, жоспарлы және шұғыл көмек көрсетуге арналған жалғыз стационарлық бөлім болып табылады. Бөлімшеде 25 науқасқа арналған төсек бар.

🔺Аллергология бөлімі төмендегідей қызметтерді қамтамасыз етеді:

- жедел аллергиялық жағдайы бар науқастарға және созылмалы аллергиялық ауруларының өршуі бар науқастарға шұғыл медициналық көмек көрсету;

- аудандық қызмет дәрігерлерінің және басқа мамандардың жолдамасы бойынша созылмалы аллергиялық аурулары бар науқастарға жоспарлы көмек көрсету;

- аллергиялық патологиясы бар науқасты жүргізу тактикасы мәселесін шешу (диагностика әдістері, емдеу және алдын алудың орны және түрлері);

- аллергиялық аурулары бар науқастарға дифференциалды диагностика жүргізу;

- науқастың спецификалық және спецификалық емес жергілікті және жалпы сезімталдық шегін анықтау;

- науқасты кейіннен амбулаториялық бөлімшенің аллерголог дәрігеріне ауыстыра отырып, спецификалық және спецификалық емес иммунотерапияның бастапқы кезеңін жүргізу;

- созылмалы аллергиялық аурулары жиі қайталанатын науқастар үшін дәрілік және дәрілік емес терапияны таңдау;

- бекітілген аумақта клиникалық аллергология бойынша дәрігерлік-кеңес беру жұмысын жүргізу;

- аллергиялық патологияның шынайы сырқатын талдау және оны жақсарту бойынша ұсыныстар әзірлеу арқылы тіркелген халықтың мамандандырылған көмекке жүгіну мүмкіндігін талдау;

- жұмыс орнында бастапқы аллергологтар мен орта медициналық персоналды клиникалық аллергологияға даярлау, саласы бойынша бекітілген аумақтағы емдеу-профилактикалық ұйымдарының жұмысын талдау.

🔺Бөлімше дәрігерлері:

бөлім меңгерушісі Құрбанбаева Нұржамал Қаржаубайқызы, бөлімшеде 1997 жылдан бері жұмыс істейді, жалпы еңбек өтілі 28 жыл, мамандығы бойынша – 25 жыл. Жоғары санатты дәрігер, Қазақстан Республикасы Денсаулық сақтау ісінің үздігі.

Дәрігер Ваншанло Айша Рахимовна бөлімшеде 2005 жылдан бері жұмыс істейді, жалпы еңбек өтілі 20 жыл, мамандығы бойынша 17 жыл. Жоғары санатты дәрігер, Қазақстан Республикасының денсаулық сақтау үздігі, Алматы облысының штаттан тыс бас аллергологы.

🔺Бөлімшеде пациенттерге әл-Фараби атындағы ҚазҰУ клиникалық пәндер кафедрасының меңгерушісі м.ғ.д., профессор Г.М. Құрманова және де С.Д.Асфендияров атындағы ҚазҰМУ «Аллергология модулі» кафедрасының меңгерушісі, профессор Ж.Б.Испаева кеңес береді.

🔺Аллергология бөлімшесінің жоғары білікті мамандары ауруларды диагностикалау мен емдеуде дербестендірілген тәсілді қолдана отырып, тек нәтижеге бағытталған.